كان فاكرني وسطي سايب
اول ما اسمع طبلته هأتحزم
الرقص ده ياض يا خايب
شغلة اللي ميعرفش يقسم
اصلك جديد في الكار لسا سارقاك النار
غشيم و ماسك طبلة
جي في حارة العوالم زي الالاتي النايم
يصحي بعد الحفلة
قبل ما تسخن الطبلة كنا احنا يا ابن الهبلة
حزمنا اللي بيرقصوا
اول درس من الأبله للمستجدة الآبله
ابن الكباريه مفيش مزيكا ترقصه
ياما طبالين و ياما دقت ع الراس طبول
و ياما رقاصين ف الاصل ولاد اصول
و ياما زيك و احسن منك
و رقصوا ع السلالم
هتيجي انت يا ابن امبارح
ترقص في حارة العوالم
ده احنا اللي زمن دبحنا و رقصناله بصاجات
و قلناله هات و هات و هات
ملوك الليل و مين قال ان الليل له مالكه
ياما فتوات غرهم الليل و اتعلقوا ع الفلكة
و تيجي انت ايه و تطلع ايه
من اللي الليل غواهم
من سابع سما لسابع ارض
و في عز النهار رماهم
قبل ما تصاحب الليل روح اسأل عليه صحابه
هتسمع اهات و اهات و اهات
No comments:
Post a Comment